工作5年有感.
[ 2009年9月26日 ]
5年了.由中专未毕业到宜家,5年啦.24岁仔啦.经历得实在太苦啦.出到嚟做嘢,会谂返起父母养我哋係咁辛苦.嗰种苦.我谂我宜家算係略尝一二啦.
我出生响一个好穷嘅屋企.父母好辛苦咁养大我同大佬.直到中专,一次偶然嘅机会,我过咗嚟广州做嘢,因为嗰时同老师关系搞得非常好.9月1开学.我过咗10月1放完假先返学.留响广州做咗3个月暑期工.嗰时.我赚返嚟嘅4500,交咗我嘅学费,自己keep咗300蚊,其它嘅俾晒屋企.
因为我知道,作为学生嘅我19岁,唔应该攞住咁多钱.同时,我想,做咗19年仔了.终于可以第一次回报返俾父母了.
半年后,中专毕业.我又过咗嚟广州做嘢.年迈嘅老豆,从屋企过嚟,帮我揾屋租,执屋...我嗰时真係好蠢,我实在太唔识做仔啦.我竟然蠢到水都唔识买支俾佢.
工作直到07年.我嘅愤青时代.点解嗰时,人哋五六千蚊一个月,而我先得嗰两千蚊,就係因为人哋係大专生,讲技术人哋又唔够我嚟,讲经验人哋又唔够我多?点解你攞咁多啧!!! 呢个想法.宜家谂返起嚟觉得好幼稚.
后未,凭住自己最自信的学习能力和两年嘅工作经验.我跳咗出嚟.去咗另一间公司到做.当时係四千蚊,同时我报读咗大专,由07到09年中呢年几嘅边做嘢边学习,真係好充实,没有浪费过一点时间.早上9点到6点嘅工作,晚上7点到9点半上课,返到嚟10点半到11点半嘅睇书,健身或者练习弹吉它.
嗰时我工作越来越忙,由每个礼拜变成每隔个礼拜先返屋企,同屋企人聚一下.虽然我係后生,但我妈子,老豆已经年过60啦.而我个人觉得世界上最惨嘅事谅係子欲孝时而亲不在.(直到宜家,我一样係咁想法).所以当时啲同学,同事,朋友都好唔明我点解要经常返屋企,係咪未戒奶.我一般都笑而不答.再讲,返屋企先70零公里,坐车唔使个半钟就返到去了,做乜唔返?就算真係忙到返唔到屋企,我都会将工资嘅60%寄返去屋企.
每次返去,妈子都会煲好妈子靓汤俾我..好简单,一碗汤足已表达到佢嘅母爱.所以大多数返去,经过市场花几十或者百零蚊都好.我都会加啲餸.因为我老豆係50年代嘅人.我阿爷係嗰时饿死嘅.嗰时我老豆先得10岁,经常食唔饱.做仔嘅.花呢几十几百氹下你老人家开心,我觉得好值.
直到毕业啦.见到老豆满头白发.后生时又顾住养我同大佬,老咗朋友都冇个,退休又冇乜世艺,仲要死咁出去做嘢,见到咁.个心真係好酸.我好想可以另妈子,老豆过上好日子.我跳咗间公司,而且接咗2份兼职,月入9000了,朝早7点起床做..做..做...做到晚刻12点先瞓.一个礼拜7日冇休息,係星期日晚刻打死都唔做先休息下....有时啲衫仲要积积埋埋几日,实在冇衫换啦,先洗,唔係污糟,係真係冇时间洗!!有时做得好夜成1点都有,真係好眼瞓,就瞓了.凉都冇冲,第日早啲起身先冲,唔係污糟,係实在攰到想训了....有时真係做到烦到蕉咁,会上网睇下文章,有时睇到啲类似咁嘅句子
"家,係一个小时候想逃走,大了回不去的地方."
我真係会喊出嚟,偷偷哋响宿舍喊出嚟.喊到收唔到声,虽然话男儿有泪不轻弹,但我真係除咗喊,我就发泄唔出嚟了.
有时妈子会打电话过来.叫我注重身体.点点点.为咗唔想让佢担心,我都会扮到好唔耐烦咁答佢,得啦.冇事啦.咁后生我顶得住.
等妈子收咗线.我先会响电话到讲.老豆妈子,我好挂住你哋咖.我好想返嚟啊.
80后嘅我真係不想长大,但又唔得唔长大,我咁辛苦多只不过係想让老豆妈子过得好啲啧......
其实我最主要想讲嘅係,响外地打工嘅朋友,中秋啦,可以嘅话好好同屋企人一齐过,或者响本地居住嘅朋友.唔好认为日日同屋企人一齐过.中秋有其它节目就唔同屋企人过.因为.唔好听咁问一句,你仲可以同你父母过几多个中秋?
提前向各位祝贺:中秋快乐,团团圆圆.
此文发表于:猪猪宠物联盟 (http://www.zhutou3.com),转载请注明.
我出生响一个好穷嘅屋企.父母好辛苦咁养大我同大佬.直到中专,一次偶然嘅机会,我过咗嚟广州做嘢,因为嗰时同老师关系搞得非常好.9月1开学.我过咗10月1放完假先返学.留响广州做咗3个月暑期工.嗰时.我赚返嚟嘅4500,交咗我嘅学费,自己keep咗300蚊,其它嘅俾晒屋企.
因为我知道,作为学生嘅我19岁,唔应该攞住咁多钱.同时,我想,做咗19年仔了.终于可以第一次回报返俾父母了.
半年后,中专毕业.我又过咗嚟广州做嘢.年迈嘅老豆,从屋企过嚟,帮我揾屋租,执屋...我嗰时真係好蠢,我实在太唔识做仔啦.我竟然蠢到水都唔识买支俾佢.
工作直到07年.我嘅愤青时代.点解嗰时,人哋五六千蚊一个月,而我先得嗰两千蚊,就係因为人哋係大专生,讲技术人哋又唔够我嚟,讲经验人哋又唔够我多?点解你攞咁多啧!!! 呢个想法.宜家谂返起嚟觉得好幼稚.
后未,凭住自己最自信的学习能力和两年嘅工作经验.我跳咗出嚟.去咗另一间公司到做.当时係四千蚊,同时我报读咗大专,由07到09年中呢年几嘅边做嘢边学习,真係好充实,没有浪费过一点时间.早上9点到6点嘅工作,晚上7点到9点半上课,返到嚟10点半到11点半嘅睇书,健身或者练习弹吉它.
嗰时我工作越来越忙,由每个礼拜变成每隔个礼拜先返屋企,同屋企人聚一下.虽然我係后生,但我妈子,老豆已经年过60啦.而我个人觉得世界上最惨嘅事谅係子欲孝时而亲不在.(直到宜家,我一样係咁想法).所以当时啲同学,同事,朋友都好唔明我点解要经常返屋企,係咪未戒奶.我一般都笑而不答.再讲,返屋企先70零公里,坐车唔使个半钟就返到去了,做乜唔返?就算真係忙到返唔到屋企,我都会将工资嘅60%寄返去屋企.
每次返去,妈子都会煲好妈子靓汤俾我..好简单,一碗汤足已表达到佢嘅母爱.所以大多数返去,经过市场花几十或者百零蚊都好.我都会加啲餸.因为我老豆係50年代嘅人.我阿爷係嗰时饿死嘅.嗰时我老豆先得10岁,经常食唔饱.做仔嘅.花呢几十几百氹下你老人家开心,我觉得好值.
直到毕业啦.见到老豆满头白发.后生时又顾住养我同大佬,老咗朋友都冇个,退休又冇乜世艺,仲要死咁出去做嘢,见到咁.个心真係好酸.我好想可以另妈子,老豆过上好日子.我跳咗间公司,而且接咗2份兼职,月入9000了,朝早7点起床做..做..做...做到晚刻12点先瞓.一个礼拜7日冇休息,係星期日晚刻打死都唔做先休息下....有时啲衫仲要积积埋埋几日,实在冇衫换啦,先洗,唔係污糟,係真係冇时间洗!!有时做得好夜成1点都有,真係好眼瞓,就瞓了.凉都冇冲,第日早啲起身先冲,唔係污糟,係实在攰到想训了....有时真係做到烦到蕉咁,会上网睇下文章,有时睇到啲类似咁嘅句子
"家,係一个小时候想逃走,大了回不去的地方."
我真係会喊出嚟,偷偷哋响宿舍喊出嚟.喊到收唔到声,虽然话男儿有泪不轻弹,但我真係除咗喊,我就发泄唔出嚟了.
有时妈子会打电话过来.叫我注重身体.点点点.为咗唔想让佢担心,我都会扮到好唔耐烦咁答佢,得啦.冇事啦.咁后生我顶得住.
等妈子收咗线.我先会响电话到讲.老豆妈子,我好挂住你哋咖.我好想返嚟啊.
80后嘅我真係不想长大,但又唔得唔长大,我咁辛苦多只不过係想让老豆妈子过得好啲啧......
其实我最主要想讲嘅係,响外地打工嘅朋友,中秋啦,可以嘅话好好同屋企人一齐过,或者响本地居住嘅朋友.唔好认为日日同屋企人一齐过.中秋有其它节目就唔同屋企人过.因为.唔好听咁问一句,你仲可以同你父母过几多个中秋?
提前向各位祝贺:中秋快乐,团团圆圆.
此文发表于:猪猪宠物联盟 (http://www.zhutou3.com),转载请注明.