猪猪宠物联盟

新到一公司 ...有個同事...長相奇醜,濃妝豔抹,衣著品味極差,講嘢成日好多生殖器官....話自己係廣州人,但係口音完全唔似...
不過都唔緊要啦..講翻個重點

話說佢今日無拉拉問我點解叫哩個名...
皆因我叫Money..
之後我就話:因為爺爺幫我改噶,我一出世就有哩個名啦...
佢話:乜改個咁嘅名噶...咁俗!!

我就緊係唔開心啦,心諗改乜名關你咩事啫...
之後佢又繼續話:哩個名啊,一聽落去就知無內涵啦,乜你阿爺咁咖,幫你改啲咁嘅名..又俗又無內涵

我自然把幾火啦,我改咩名關你咩事啫,幾時輪到你嚟評論我啊,仲要話埋我阿爺??!!有無家教咖!!
真係養不教 父之過啊....!!

但係我都忍住了,好有禮貌咁講:咁名哩啲嘢個人鍾意嘅啫..
之後佢又話:邊有人鍾意埋曬啲咁嘅名咖...
之後我話:我身邊好多人都叫哩個名啊,好正常噶,可能你身邊咁啱無哩啲人吧
之後佢又話:我嘅圈子好廣咖!!無人叫哩啲名噶!!

之後佢又係自言自語評論我嘅名...我根本連話都唔想同佢講了..

你話邊有咁嘅人咖,真係無家教咖!!唔怪得同我講嫁唔出,咁嘅人..啃你嘅男人啊,上世都唔知積落幾多冤孽啊.!!

自己啲英文講得鬼咁難聽,仲好意思講...
阿姐啊,唔該你學下啲標準嘅英文發音先啦..!!!

啱先真係差啲忍唔住鬧鬼佢咖啦!!
唉,不過都係算了,人地一般見識..我唔想同佢計..
不過都要喺心底詛咒下佢祖宗十八代先得...!!!

唉,我哩個從嚟唔發帖嘅人都要發帖..真係好鬼嬲啊家下...