猪猪宠物联盟

今次去厦门源于探一个系厦门做野既老死，我地一行四人6：48系东站坐K297次硬座（141文/人）前往厦门，好彩火车出发晚点，唔系我地一定上唔到火车啊，因为我地到东站已经差唔多7点了，第一次觉得火车晚点既好，哈哈。第日早上9：42居然准时到厦门，奇迹啊，我地一出火车站就系广场既汽车站坐28路去轮渡，因为谂住去鼓浪屿上边住，点知常理系厦门唔适合，因为广场个个车站唔系汽车总站，我地坐鬼左相反既方向，后黎落车过对面马路再坐过，激死啊。终于到左轮渡总站了，我地落车过隧道，坐上左渡轮，过鼓浪屿既时候系唔需要买票既，直接上去，系回程个时候就要买8文票了。经过一轮打探同问价后，我地最后系天主堂旁边既逸康苑住低，120标双，里边有雪柜仔，空调，电视，系旧式洋楼改建既，原来系西班牙大使馆，里边有花园仔，几舒服。
岛上风景相当秀丽，几乎全为异国风情建筑，好多都系原来外国既大使馆，绿树蔢娑，也是雀鸟的天堂，里边既演艺厅下午四点有免费既钢琴古筝表演，菽庄花园也值得一往，仲有街头到处都系小食，里边有个用筷子收钱既阿伯卖既麻糍1文一个一定要试啊，口感相当好，仲有鱼丸，芋包，龙须燕丸，扁食……系郑成功雕像附近有一片海滩，拖住另一半系沙滩上，走在海水过脚眼既沙滩上漫步相当舒服。晚上厦门既朋友就请我地食海鲜，5个人食左差唔多6旧水，感觉差过广州好多，价钱都好贵，建议如果自己去既朋友唔好系岛上食，或者干脆翻广州先食啦，真系嘛嘛。
系岛上住左一晚玩左两日，我地就走去厦门既中山路步行街附近一家叫家家乐酒店住，住左两晚，一日100文标双。如果大家想俯瞰成个鼓浪屿既日落同夜色就要去海滨大厦24楼既Pizzahurt了，不过要提早两个钟去挪票等位，你可以挪左票系附近既步行街逛下。
系厦门玩够我地就走左去永定睇客家土楼了，其实最好系厦门既松柏汽车站坐班车去下洋镇，可惜我地错过左最后时间（12：30前就可以买到票到下洋啦），我地只好坐车去永定64一个人再转25文摩托入下洋住了，因为下洋有好出名既温泉同埋好紧初溪土楼群啊。我地住一家华兴旅馆，50文一晚标双，带空调既，仲有一个好大好大既双人温泉浴缸添，热水出口就系温泉了，下洋每家旅馆都会自己打个一百米深既井，抽取温泉水，晚上浸泡既时候非常舒服啊。我地住落第日6点多就起床赶去岐岭，系岐岭包左台有篷顶既摩托车100文一日，搭我地去搞头既天下第一土楼承启楼（参观30/人，学生半价），同埋去第一奇观土楼东倒西歪裕昌楼（5文/人），田螺坑的四菜一汤五座土楼群，下午翻岐岭食过中午饭，下午就去初溪既土楼群（50/人，学生半价），里边有座叫集庆楼既做左博物馆，里边相当多野睇，好值得一去。
睇完土楼我地翻旅店浸过温泉冲完凉就坐摩托翻永定坐K299翻广州了。原来永定火车站好奇怪，唔系全天上班，晚上卖票值班时间系10：10-11：30，我地就系永定周围逛同食晚饭，到左10点就打摩5文两个人的去火车站买票等11：16翻广州既K299次列车，硬座101/人。第日一早8点就翻到广州东站啦，接触行程，途中美景就唔一一叙述了，大家都系睇相片啦，thx

------
Look,If you had one shot, One opportunity To seize everything you ever wanted…One moment Would you capture it or just let it slip?