猪猪宠物联盟

沙扒灣遊記

提早一個禮拜系假*通報名,198/人(團費)+4/人(保險) 小朋友唔占車位同床位嘅唔需要俾錢

7-25
早上8點正市一宮集合
果日5點幾起身,執D細件嘢同煮早餐吃,叫醒個囡用咗成15分鐘(唔肯咁早起身吖),洗面&勒佢屙屎同尿(點知唔肯屙屎,因為未訓醒),跟住喂佢吃奶粉,之後同我地一齊再吃咗幾粒雲吞; 7點兩準時出門坐車,好彩周六嘅早上車唔多,無塞車,大概20分鍾左右到市一宮啦!途中經過25中(原先嘅集合地點)勁多人啦. 去到市一宮就仲多人,好彩車好快就開啦!

車程4個半鍾,中途系個休息站休息咗大概15分鍾啦!沿途都系訓覺,早起身,無計啦!

12點半,一行8個大人一個細路哥終於去到咗呢個小鎮啦!熱鬧都不得了吖,車多,人多,废氣都勁多吖!不過好彩夠大風,好快吹散D废氣咯!

要1點半左右先有房間KEY攞吖,中間段時間揾地方食飯,因為對上一個星期已經有個媽媽嚟過介紹我地去肥姨度吃,話都OK喔!好彩幾易揾到,但因為好多人都同我地一樣要揾地方吃飯,所以肥姨果度已經FULL到不得了,而且佢個VIEW睇海都幾正咯,所以D海鮮價都有D貴!無位,我地即刻轉場啦! 系我地落車果陣就已經有個阿叔開住部三角雞SELL我地呢幾個客架啦,佢話帶我地去月亮灣同帶我地去揾嘢吃,兩日全包價30蚊! 見佢落咀頭咁犀利就信下佢上佢車啦!

大概車程5分鐘,入到鎮入邊D大排檔,唔系露天嘅,有空調嘅,呢度少D遊客,安靜D. 二樓俾某間旅行社包咗做團餐.我地系一樓吃飯,可能已經比較晏啦,所以海鮮唔多啦! 點咗5個餸+1個湯(白菜肉片咸蛋湯,好似D白滾水咁吖,淡momo咁吖! 一碟蝦+一條魚+一碟水東介菜+一碟墨魚丸+一碟絲瓜大支裝可樂 白飯一大盆 RMB150

翻到導遊指定嘅地方攞到房間KEY, 去賓館CHECK IN,其實就系自己上樓就系啦,無人接待嘅! 因為諗住下午個太陽比較正D,所以約咗阿叔下午4點系賓館門口等

翻房執定D去遊水嘅嘢,帶埋BB就要帶多好多嘢咯!因為怕佢中午唔夠飽,我地打包咗D飯同菜,系出發前1個半鍾再喂BB吃得嘢咁吖! 但系大概3點鍾左右竟然跳闸,系成個鎮喔(賓館嘅老板講,成日都有呢D情況架!話用電量激增喔!) 我地就諗可能佢怕D人開曬D空調就出咗去玩,所以出此辦法咯!(純粹個人見解炸) 咁樣就提前準備去月亮灣啦!

系旅行車上個導遊就話步行嘅話要大概半個鍾,同你講絕對系老點你咯! 我地坐部車仔都行咗成20分鍾咁耐吖,而且路面情況超差,大塵都不得了吖! 如果行路就真系做曬吸塵機啦! 條路超DEN吖!去到月亮灣啦,淨系得一個好細嘅地方圍咗繩子,其它位置系無嘅,佢就系最大浪個個位圍住,咁樣望落去安全D,但其實都有唔少人系網外邊玩咯!
因為帶住個囡,我就無點行出去玩浪吖! 我囡見到D浪就興奮到不得了,當然開頭都系有D惊, 但好快就覺得好玩,系咁系度踩水吖! 但飲咗幾啖咸水就有D怕,要翻埋岸啦! D沙都幾粗大啦! 跟住同BB同埋個F就沿住海岸邊執貝殼, 退咗潮之後嘅沙灘D沙會細D,行得舒服D! 一路行都有幾多細魚毛沖咗上岸邊咯,就嚟死咁樣果D咯! 遊到大概7點鍾,原先諗住睇日落,點知位置唔啱無得睇吖!

CALL翻個阿叔嚟接我地,建議早D打電話叫人嚟接咯,我地早咗半個鍾打,佢都肯唔切過嚟吖,仲要我地等咗成20幾分鐘吖! 遊完水我地無沖身,諗住翻賓館沖會舒服D,點知等咗阿叔咁耐吖,其實可以沖埋水先走人咯! 沖水果度都勁多人,地方又細,要排到出嚟吖! 沙灘果度1個LOCKER 5蚊搞掂,放D荷包同手機都應該幾安全咯!
建議帶定多D嘢食去,因為遊完水超肚餓, 我地只能買D雪膏吃,頂住下咁樣咯!

翻到酒店沖身,兩個大人拿拿聲幫個囡擦身,因為佢訓咗啦! 點知擦完身佢就醒咗啦,所以就一家大細一齊沖啦! 大家人齊出發去吃晚餐已經系晚上8點半有多啦,阿叔帶我地往碼頭方向行,我地開頭都有少少怕架,因為沿途都黑menmen吖,轉咗幾個彎,有個燈火通明嘅大排檔系面前,好多人吖! 無位兼無乜海鮮啦,俾人點得七七八八啦,只能轉場啦! 雖然好黑,但都知道個大排檔系對住個海嘅!好咸嘅海 風吖! 同阿叔講聽日中午果餐要嚟呢度吃! 間嘢叫沙角灣大排檔.

轉咗去另外一間,點咗1碟蝦+1碟蟹+湯+1條海立(麻麻地)+1碟螺(麻麻地,有D苦味)+1碟番薯葉+1碟青瓜炒菜魚扣(原先系完椒炒嘅,應該仲好吃咯)+一碟豆角+1支生命1號+2支大可樂, RMB250

食完飯,阿叔車咗我班F去海邊燒孔明燈,我地兩公婆要湊囡,囡囡今日已經超攰啦!翻賓館訓覺豬!
(PS. 晚上又跳咗兩次闸)

7-26
早上6:30起身 獨自一人出沙扒灣個沙灘行下

又系咁啱撞正退潮,所以個沙灘睇落無咁污糟,近岸邊嘅沙都系超粗嘅,D人燒完煙花D垃圾就咁掉低系度吖。行落D嘅沙就細好多咯,無月亮灣咁大浪,所以都有唔少寄居蝦,寄居蟹咁樣咯!捉咗幾個帶翻去俾個囡睇下! 一早都有幾多人去行沙灘咯！

翻賓館嘅路上，見到有個阿姨賣緊D新鮮摘嘅龍眼，4蚊/斤，都幾抵咯！鎮上邊超多嘅大樹菠羅樹，所以都超多大樹菠羅賣（好後悔唔記得買嚟吃吖）。翻到賓館叫醒LG&囡囡，執好曬D嘢，準備退房。琴日玩水果D衫洗乾淨放系房，一晚就乾曬啦，咁樣個袋可以唔洗咁重，米先濕衫都幾重下架！退房兼放低D行李袋系賓館前台，就系鎮上邊四圍行下，行咗去市場懷買海味果條街。大概11點3左右就去琴晚果間海邊嘅大排檔啦，果度個VIEW真系幾正下咁咯，陣陣海風吹住，舒服啊！呢餐比較豐盛D，1碟海甲+1碟聖子+1碟海蝦+1碟濑尿蝦+1碟蟹+1碟炒苦瓜+1碟炒番薯葉+1碟蠔仔炒蛋+1碟蒸海鳝+1碟尤魚桶+2支大雪碧
RMB253 (覺得最好吃呢餐啦!)

吃完飯, 又系因為囡豬訓咗覺,所以我地就翻賓館大堂等我D F, 佢地去行下個沙灘. 米後佢地翻嚟講個沙灘污糟到不得了吖, 好慶倖自己一早去行咗下個沙灘咯!

下午一點九準時上車走人,途中經過一個手信店, 一定要落車搞到懵懵下咁樣吖! 之後上車再訓過. 翻到廣州沙貝出口系6點10分, 北環修路, 司機為咗慳D路費轉入咗沙貝, 條路又系超dem, 順路望咗下D限價房咁咯! 7點鍾翻到市一宮, 解散各自翻歸啦!