猪猪宠物联盟

已经住院第二日啦，今朝医生一早打电话黎，话我bonbon疴血，好多好多，医生话要帮佢灌肠，第一日我带佢去睇果时，精神还算可以，到我走啦，佢都仲会望住我眼瞧瞧咁，今日再去探佢，佢已经好无力感训系个笼度，果一刻我真系无比地心酸，我系一个护士，我可以帮到我既病人，但系我帮到自己只狗狗，我真系好无奈好痛苦，我见到佢辛苦个样，我D眼泪水系咁流出黎，我真系好怕，好怕佢就咁离开我，我个心好彷徨，三个月唔够，已经有两只狗狗离开左我啦！之前果两只，系临过年既时候比人放毒毒死左，我当刻真系系张床度跳起身，但系两只小宝贝已经唔系度啦，点解D人可以咁黑心吖，两只都系细狗仔，点解要咁残忍地对佢地我只狗狗先两岁咋，我把屎把尿咁凑大佢地，我真系落左好多心机去陪佢地，教育佢地，我仲捻住等我今年出国以后带埋佢地走，依家我只能带住我既思念离开依度。bonbon系朋友送噶，佢见我咁伤心，屋企母狗生左狗仔所以送一只比我，但系点都估唔到，只系离开佢妈咪几日，就出左咁既事，惹上咁既病，见到佢弱小既身躯，我真系好想大喊，真系好受罪，如果bonbon再有咩三长两短，我真系好难接受得到，我依家日日围绕系个脑都系佢无助既眼神！！！

真系好希望佢可以快D止到血，快D好翻...